ရှမ်းပြည်နယ်(တောင်ပိုင်း)၊ ကွန်ဟိန်းမြို့နယ် (ကျွန်းတစ်ထောင်ဒေသ) မှာ Peace Tourism ကို Pilot Project အနေဖြင့် စတင်အကောင်အထည် ဖော်သွားရန် စီစဉ်နေလျက်ရှိကြောင်း သိရပါသည်။ ကွန်ဟိန်းနှင့် ကာလိဒေသက တောတောင်သဘာဝအလှအပတွေ၊ ဒေသခံတိုင်းရင်းသားတွေရဲ့ ရိုးရာ ယဉ်ကျေးမှု အမွေအနှစ် တွေ၊ ရိုးရာအစား အသောက်တွေနဲ့ ကွန်ဟိန်းမြို့နယ်ရှိ ကွန်အော်ရေတံခွန်၏ အလှအပကို အခြေခံပြီး ခရီးသွားလုပ်ငန်းအတွက် ခရီးစဉ်အသစ်တွေရေးဆွဲပြီး ဖော်ဆောင်သွားမယ်လို့ ရှမ်းပြည်နယ် ဟိုတယ်နှင့်ခရီးသွားလာရေး ညွှန်ကြားမှုဦးစီးဌာန၊ ပြည်နယ်ညွှန်ကြားရေးမှူး ဦးထင်အောင်နိုင်က ပြောကြားသည်။