14.3.2026

ကျွန်းတစ်ထောင်မြေဖောင်ဒေးရှင်း၊ ကွန်ဟိန်းရပ်မိရပ်ဖနှင့် ဒေသခံများမှဦးဆောင်၍ ကျင်းပပြုလုပ်ခြင်း

March 14 တွင်ကျရောက်သည့် အပြည်ပြည်ဆိုင်ရာမြစ်ချောင်းများနေ့ အထိမ်းအမှတ်အခမ်းအနားကို ရှမ်းပြည်တောင်ပိုင်း၊ ကွန်ဟိန်းမြို့နယ်၊ နမ့်ပန်ချောင်း၊ ကွန်အော်ကျွန်း/ ကွန်အော်ရေတံခွန်တွင် ကျင်းပပြုလုပ်ခြင်းဖြစ်ပါသည်။

ရှမ်း၊ လီဆူ၊ လားဟူ၊ အာခါ၊ ယင်းကြား၊ မြောင်ဇီး၊ ကရင်နှင့် ဗမာ စသောတိုင်းရင်းသားများနှင့် ကွန်ဟိန်းမြို့ဒေသရှိ ဒေသခံများ ၅၀၀ ဝန်းကျင် တက်ရောက်ပါဝင်ခဲ့ကြပါသည်။

အပြည်ပြည်ဆိုင်ရာ မြစ်ချောင်းနေ့ အထိမ်းအမှတ်အဖြစ် တိုင်းရင်းသားများ၏ ရိုးရာ၊ ယဥ်ကျေးမှု၊ ဓလေ့ ဆိုင်ရာပြခန်း၊ ဒေသခံအမျိုးသမီးခေါင်းဆောင်များ ပါဝင်သော ရေအရင်းအမြစ်နှင့် ပက်သတ်သည့် စကားဝိုင်းဆွေးနွေးပွဲများ၊ မသန်စွမ်းများနှင့်ဆိုင်သော အသိပညာမျှဝေမှုများ၊
မြစ်ချောင်းများနှင့် မသန်စွမ်းဆိုင်ရာ၊ မြစ်ချောင်းထိန်းသိမ်းခြင်းနှင့် သဘာဝပတ်ဝန်ကျင် ထိန်းသိန်းခြင်းဆိုင်ရာ လက်ကမ်းစာဆောင်များ မျှဝေခြင်း စသောအစီအစဥ်များဖြင့် ကျင်းပပြုလုပ်သွားခဲ့သည်။
အခမ်းအနားတွင် တက်ရောက်လာသော တိုင်းရင်းသားလူမျိုးစု အကအဖွဲ့များမှ မိမိတို့၏ ယဉ်ကျေးမှုနှင့် ရိုးရာဆိုင်ရာ အကအလှများဖြင့် ‌ဖျော်ဖြေတင်ဆက် ဖလှယ်ခဲ့ကြသည်။

ဒေသခံပြည်သူလူထုများ မြစ်ချောင်းများကို တန်ဖိုးထားအမှတ်ရစေအောင်၊ ကာကွယ်ထိန်းသိမ်းတတ်လာအောင် ရည်ရွယ်ချက်ဖြင့် ဒီအခမ်းအနားကို ကျင်းပရခြင်းဖြစ်ပါသည်။